طور من مطعمك و قدم افضل خدمه و زود دخلك

علشان تطور من مطعمك و تقدم افضل خدمه و تزود دخلك

دي 5 خطوات مهمه لكل مطعم علشان يتم التطوير اللي بيتمناه صاحب كل مطعم في المطعم بتاعه .

1) حدد ترتيبك وسط المطاعم المنافسه :-

اعرف انت فين من المطاعم المنافسه اعرف نقاط القوه اللي عندهم و اللي عندك واعرف كمان نقاط الضعف قيم نفسك بس بطريقه Fair يعني بطريقه عادله مفيهاش تحامل او مجامله لنفسك او للمطاعم المنافسه .

2) اعرف راي الناس في المطعم ايه :-

لازم تكون دايما عارف راي الناس في مطعمك ايه بصراحه وده ممكن يتم من خلال ال survey اللي هو بيان استطلاع الراي او من خلال كلمه بسيطه من اللي بيقدم الاكل “نتمني تكونوا استمتعتم بالاكل ” في معظم الاحيان الناس اللي الاكل ما عجبهاش بالدرجه الكافيه او لو فيه ملاحظه علي الخدمه هيعبروا عن ده و يلفتوا نظرك ليه .

3) قدم اكله او مشروب يميز مطعمك :-

خلي الناس دايما تفتكر مطعمك باكله مميزه او مشروب مميز عارفين انهم مش هيلاقوه غير عندك مش بشرط يكون افتكاسه جديده او اكله غريبه لكن ممكن تكون اكله معتاده او معروفه بس انت بتقدمها بجوده اعلي او باضافات مميزه ( فاكرين فيلم خلطبيطه بالصلصه  🙂 ) طبعا الخطوات اللي قبل كده هتساعدك من خلال دراستك لنفسك و منافسيك و كمان راي الناس هيفيدك تعرف انت مميز في ايه .

4) قدم و نفذ الصوره اللي بتتمني الناس تشوف مطعمك عليها :-

ده برضه من خلال الخطوات الي قبل كده هتعرف مميزات مطعمك و الحجات اللي مش مميزه برضه او فيها مشاكل و هتعرف الناس بتحب ايه في مطعمك , كل دي معلومات بتجمعها لكن لازم تحولها لافعال علي ارض الواقع لازم تستفيد من المعلومات دي تتجنب او تصلح الحاجات اللي فيها مشاكل و تحافظ علي مميزاتك وتطور فيها. ده بيشمل الاكل , الديكور , الموسيقي , الخدمه , النظافه , السرعه ……

5- استخدم برنامج لادارة المطاعم :-

وجود برنامج لادارة المطعم اصبح شئ بديهي في المطعم بيتم مع تاسيس المطعم زي الديكور و العماله كده لانه بيسهل عليك جدا ادارة مطعمك وضبط حساباتك بينظم ادارة المطعم من الطلبات و التعامل مع العملاء و تنظيم الطولات , و الكاشير و المطبخ و الحسابات و التقارير و مراقبه العماله وهيساعدك بدرجه كبيره في الوصول لمعلومات حقيقيه زي مثلا اعداد او حجم عملائك و حجم دخل المطعم كل دي مؤشرات بتعرف منها مدي نجاح مطعمك ده غير حجات تانيه كتير فهو حاجه مش هتستغني عنها في مطعمك .

النقط الخمسه دي مترتبه علي بعض و مُكمله لبعض و مستمره علشان كده حاول تشتغل في كل النقط دي بالتوازي و باستمرار يعني متجيش في وقت و تحس ان نجاحك كافي و توقف استخدامك للخطوات دي .

اقرا ايضا :-

سيب ادارة مطعمك علينا 

عوامل نجاح المطعم 

‫للتواصل و الاستفسار

موبايل :-  ( whats app , Viber , Skype )

010921333442+

010124705072+

البريد الإلكتروني :-

ies.petrasales@gmail.com

تابعونا علي مواقع التواصل الاجتماعي 

                                 

مدوناتنا