من الحاجات اللي بتدخل تحت اطار الشكل الجمالي في المطاعم و اللي هنحكي عنها شويه هي ( الديكور, قائمه الطعام “Menu “ , شكل الاكل )
1) الديكور
الديكور من اهم عوامل نجاح المطعم مع انه مش بيدخل تحت المنتج اللي بيقدمه المطعم و هو الاكل لكن الديكور المريح و الجميل و بيساعد جد
ا في نجاح المطعم لان العميل يهمه جدا يكون في مكان مرتاح فيه حتي لو مش واخد باله من الموضوع ده بمعني انه ممكن يكون العميل منزعج من مطعم معين مع ان جودة الاكل عاليه و اي عوامل تانيه متوفره زي الخدمه وغيرها, في الحاله دي هتلاقي ان ممكن يكون في مشكله ما في الديكور من حيث مثلا الشكل الجمالي او تنظيم القعدات و الترابيزات او الاضائه او اي شئ بيدخل تحت الديكور, الديكور بيدي انطباع اولي مهم جدا عن المكان انه نضيف و جودته عاليه , خلي بالك انت في المطعم مش بتقدم بس منتج الاكل انت بتقدم خدمة تليق بالعميل و المكان بتاعك , بتقدم مكان آمن , مريح , نضيف لعملائك .
2) المنيو / Menu
اكيد المنيو مهم جدا لنجاح المطعم ,الاكلات اللي بتقدمها ,تميُزها و شرحها للناس بس احنا دلوقتي هنتكلم عن الشكل الجمالي للمنيو او قائمة الطعام , اختار شكل بسيط و جميل للمنيو بتاعك و اهتم بيه و بتنظيمه والوانه لان المنيو من الحجات اللي بتلفت انتباه العميل و تفتح شهيته للاكل و برضه بتخليه يحدد انطباع معين عن المطعم في ذهنه .
3) شكل الاكل
طبعا اكيد انت كمالك للمطعم مدرك تماما ان الانسان بياكل بعينه الاول يعني لو شكل الاكل جميل و متناسق ده اكيد هيكون من اهم عوامل نجاح مطعمك و طبعا بتراعي الفئه اللي بتستهدفها بالاكل و نوعهم هما رجاله او ستات و نوع الاكل اللي بتقدمه كل اللي حكينا فيه ده اسمه صورة المطعم او restaurant image واللي من خلالها بتزرع في ذهن العميل صورة معينه عن مطعمك سواء الفخامة , البساطة , الكلاسيك , الموديرن , حتي لو شعبي انت اللي بتقرر هتزرع اي انطباع عند العميل و الاهم انك تكون قد الانطباع ده و علي نفس مستواه يعني متخليش الاعلان احسن من المنتج .
مقدم لكم من برنامج ادارة المطاعم اي شيف
اي شيف – برنامج ادارة مطاعم